客家民間諺語
1、人會算,天會斷;聽打算,冇窮漢。
2、六十六,學唔足。
3、村中有個好嫂嫂,滿村姑娘起得早。
4、求雨求個暴風雨;求子求個敗家子。
5、文打官司武打架,軟個硬個都唔怕。
6、嫁雞騰雞,嫁狗騰狗,嫁倒狐狸滿山走。
7、千里送鵝毛,物輕人意重。
8、百貨中百客,伯母中阿伯。
9、一人有福,牽帶滿屋。
10、人有面,樹有皮,當面教兒,背後教妻。
11、六十六,學唔足,阿公換酒,孫子換肉。
12、好心冇好報,好柴燒爛竈。
13、老山豬唔怕布殼嘟,嘟唔嘟也鉚番薯。
14、子女滿間角,唔當老公一隻腳。
15、忍耐忍耐,人情還在;唔忍唔耐,小事變大。
16、生處怕水,熟處怕鬼。
17、人情唔怕闊,冤家唔好結。
18、有食正有屁,有本正有利。
19、敬老得福,敬禾得谷。
20、食肉唔當養肉,看戲唔當聽曲,聽曲唔當睡目。
21、唔愛嫁得早,就愛嫁得好。
22、一年算得三次命,冇病也會算出病。
23、唔怨天,唔怨地,只怨自家唔爭氣。
24、公婆就公婆,牀頭相打牀尾和。
25、想要光景好,日日起得早。
26、好子唔使多言章,靈神唔使多燒香。
27、好打一身傷,好賭一身光,好嫖一身瘡。
28、唔同人家賽過年,要同人家賽耕田。
29、木匠家裏冇凳坐,和尚廟裏鬼唱歌。
30、臉上冇肉,命中冇福。
31、火要空心,人要虛心。
32、有錢妻賢子肖,冇錢蛇聲鬼叫。
33、人勤地獻寶,人懶地生草。
34、人老心不老,人窮志不窮。
35、養子莫養兩,輪食冇菜挷;養子莫養三,過年受孤單。
36、油鹽柴米醬醋茶,冇錢唔會到涯家。
37、幫人幫到底,送佛送到西。
38、懶人自有懶人福,遲來食碗豬肉粥。
39、一家唔夠,三家來湊。
40、一夜冇睡目,十夜補唔足。
41、地理先生冇屋場,算命先生半路亡。
42、家財萬貫,不如薄藝在身。
43、木匠師傅冇眠牀,泥水師傅冇浴堂。
44、得人錢財,爲人消災。
45、食了人家嘴軟,拿了人家手軟。
46、食唔窮,着唔窮,麼劃麼算一生窮。
47、豬撐大,狗撐壞,人撐猴精怪。
48、三十不豪,四十不富,五十將錢尋死路。
49、讀書肯用功,茅屋出相公。
50、男大當婚,女大當嫁;不婚不嫁,鬧出笑話。
51、若要小兒安,三分飢和寒。
52、唔怕窮,就怕朝朝睡到日頭紅。
53、病人怕肚脹,賊古怕照相。
54、會劃會算,錢財不斷。
55、七十三、八十四,閻王唔請自家去。
56、跟好人,學好人;跟叫化,睡涼亭。
57、講就講,笑就笑,動手動腳冇家教。
58、苦口良藥利於病,忠言逆耳利於行。
59、寧願過錯,唔願錯過。
60、醜人多照鏡,窮人多算命。
61、後生唔做家,老哩正知差。
62、請客莫請女客,請五十來一百。
63、路唔行唔平,人唔學唔成。
64、蒸酒做豆腐,唔敢逞師傅。
65、開店三年,豬狗欠錢。
66、着襪唔知腳下暖;脫襪正知腳下寒。
67、有錢施功德,冇錢撿開簕。
68、火旺唔怕生魯基,刀利唔怕死牛皮。
69、獨牆難擋四面風,獨柴難燒一鍋紅。
70、好人爲大家,好貓管千家。
71、千跪萬拜一爐香,唔當生前一碗湯。
72、卓絲唔成線,獨木唔成林。
73、出門冇老大,各人包袱各人帶。
74、細人望過年,大人望耕田。
75、男人莫當兩頭家,女人莫做兩頭蛇。
76、滴水之恩,當涌泉相報。
77、一唔積財,二唔結怨,睡也安寧,走也方便。
78、莫罵酉時妻,一夜受孤寂。
79、人怕人王,鬼怕閻王。
80、一好冇兩好,兩好唔到老。
81、口帶天才,邊食邊來。
82、一個唔當二人計,三人肚裏一臺戲。
83、爺哀養俉十七八,丈夫養俉白頭髮。
84、臉小怨人**大,臉醜唔得鏡子壞。
85、撩蜂莫動;撩狗莫走。