何輝經典語錄22則

1、車路士對紐卡素：何輝：迪西李好似鬼咁，一有對車路士不利慨吹罰就冤鬼住個球證。

2、法國對俄羅斯：丁偉傑：不過呢個波呢，入到就係英雄，入唔到呢就係狗熊。何輝：或者系豬紅。

3、紐卡素對車路士：紐卡素門將阿基雲雙手迎接對方球員冼頓嘅射門時甩手，皮球從基雲嘅大細門下流過——俗稱“痾蛋”！何輝：一痾，黃金之蛋！

4、拜仁慕尼黑對AC米蘭：何輝：裁判同羅拔高華做咗一個好正確慨動作。“喂，你要個波先得嘎！你咁樣更硬更開個人，更開咗雷哥斯達唔得個喎！”江忠德：你講咗成10秒咁滯囉喎，人哋好似冇講咁長個喎！

5、列斯聯對查爾頓：何輝：馬田一祿，查爾頓就金銀滿屋！（咔咔咔）

6、車路士對曼聯：裁判判俾曼聯界外球，蘇拿有啲意見。何輝現場配音：蘇拿喺度口噏噏咁話‘我？我？我？真系我？！冇掂過喔！’

7、車路士對曼聯：丁偉傑：曼聯贏波，車路士有個球員就覺得好無癮，但費Sir就覺得好過癮。講緊慨就係保斯尼治。

8、江忠德：咦，碧鹹頂白色帽又幾靚噃！何輝：可能襯番對白Boot呢！？江忠德：好彩佢對Boot唔系綠色啫！何輝：咁都俾你諗倒啊！

9、羅馬對皇家馬德里：卡福俾皇家馬德里幾名球員耍得團團轉。何輝：卡福話，喂！好囉喎！~~唔好玩得咁過份喎！假假地我都啱啱捧完世界盃呀！

10、江忠德：譁！如來神掌呀！何輝：如來神掌第幾式呀？江忠德：雙龍雙掌啩！何輝：如來神掌有雙龍雙掌嘎咩？

11、利華古遜對曼聨：江忠德：映梗月亮喎！何輝：中秋過咗囉喎~~江忠德：有啲黃黃地咁慨！（指月亮）何輝：你話梗佢塊面啊？（指託比慕拿）江忠德：唔系！系黑黑哋！

12、曼聨對修鹹頓：丁偉傑：自己嘅人踩番落自己整嘅陷阱度。何輝：講咗好多次，奧脫福呢個球場慨場邊都有條夯。不過曼聨啲球員都已經習慣曬嘎啦。底線都仲好吖，起碼有啲廣告牌擋住下，球員好似玩SIR滑梯咁。旁邊兩邊有條石屎夯渠，線落去都幾傷嘎！丁偉傑：真繫好似“飛哥跌落夯渠”喇！

13、紐卡素對西布朗：黃興桂：10個黃綠衫慨球員番曬去後場。江忠德：今場唔系黃綠醫生喇，系黃綠球員！

14、阿仙奴對飛燕諾：何輝：講起飛機恐懼症，我拍檔丁偉傑隔離嗰個我都有呢個問題！丁偉傑：但系番香港都要搭飛機個噃，搭船要好耐！何輝：要成五日呀，我問過啦！丁偉傑：如果冇咗拍擋檔五日都唔知點算囉！（各位friend聽唔聽得出啲弦外之音啊？）

15、李斯特城對曼聯慨比賽：江忠德：睇完呢場波之後9點55分又有一場直播，大家可以抖下，飲澹茶先。9點55分再嚟睇。何輝：夜飲茶會瞓唔着個喎。江忠德：就係想瞓唔着，今晚大把波睇，唔駛瞓喇！（何輝好無奈，俾江忠德吹len漲。）

16、曼聯對農特：當巴夫斯跑到禁區外與對方球員爭頂完波後，卻發現皮球唔見咗……江忠德：巴夫斯又喺度搵波喇。何輝：望下上面高處又冇，又唔喺自己左右，原來喺後面。何輝：如果攞個波Dup落巴夫斯個頭度，唔知佢搵唔搵到呢？江忠德：試下囉。何輝：我諗一定搵唔到啫。

17、布力般流浪對保頓：何輝：下半場就背城借一，但而家就首先貝治（布力般後衛）送一先喔。（啲文采好到佢吖）

18、辛德蘭對曼聨：麥卡迪亞侵犯堅尼，因而惹起二人糾紛……麥卡迪亞向堅尼做出一個寫字慨手勢，諷刺堅尼慨自傳內慨內容。丁偉傑：麥卡迪亞話“寫我啦！寫我啦！寫書寫我啦！”

19、江忠德望一望何輝對鞋，然後對何輝講：“你對鞋都幾靚喎！又黃又綠，好彩你唔系做醫生啫。”何輝：即系咩吖？我唔繫好明喎？！江忠德：又黃又綠喎！何輝聽完仲系一頭冒水。（何輝詐藕？！）

20、碧鹹第一次着上印有佢仔仔個名慨Boot比賽，當俾對方球員踩甩一隻鞋時……何輝：如果對鞋改印上佢老婆個名，會唔會緊啲呢？系綁得緊啲呀。（-！-）

21、米度士堡對利物浦：何輝：恩斯再攞多兩張黃牌慨話就要停賽喇。不過恩斯停賽都唔休冇嘢做，得閒可以去扮下TigerWoods呀！

22、何輝：大家睇返呢個波啦，系朗尼莊臣上嚟梳靚個頭入波嘎。（慢鏡重播後……）何輝：睇清楚原來系朗尼莊臣上前嚟梳靚個頭睇住對方後衛擺烏龍慨！